hawngu’ utux
bnkis ta’ raral mha ni musa’ squ ’tuxan mga, siki krazyas su’ squ hawngu’ na utux ma. aw’ ga ini’ nbahi mhmut hmzinas gi cyux mnaga’ squ puqing hawngu’ qu squliq ka pspung. lha’ qasa ga nama smpung squ pinhkngyan su’ babaw cinbwanan ma.
nanu’ qu hawngu’ na utux qasa ga ,gwagiq iyal ’si kmwa’ tmring babaw kayal ru baytunux iyal maymaw yan bhuniq msbhung. zik nqu hawngu’ uzi wayal qutux gawng wal pkska’ krayas sa hawngu’ utux, cyux ki’an na bibing ru qulih ka gigway ggtaynux ma.
intzilan nqu hawngu’ qasa ga, cyux ki’an na ngasal ka musa’ nama mita’ squ kinblayqan na squliq ru kinzqihan. squliq ka pspung qasa ga yaqu blaq na squliq ka wal mhuqil, ginyagan squ kwara’ utux nqu minhuqil ma.
kya qu mmusa’ sa ’tuxan ru si bqbaqi sa mlikuy balay ru knayril balay mga, mutux nha’ ’si phnasi krazyas squ hawngu’ na usa’ tay ’tuxan.
kya qu sinzywagun nha’ hiya ga, lmawn nha’ qmamas iluh sa tluling na qba’ ru tlaman nha’ gmwax, kya qu rzyun na iluh ru ini’ ps’agal ga squliq balay ma. nanu’ yasa qu spgluw na sa hawngu’ na utux ru pawsun nha’ squ ’tuxan.
psbnahaw ta’ qu kay’, kya qu ini’ rzyuy lga, nanu’ yasa qu mrawi na squliq, qasa hiya ga pwahun nha’ syaw na tuqi. taqu syaw na tuqi qasa mga gigway bbqzi ru qqrgup, kmturu’ nya’ uzi ungat spngan kinpzyux. minxal su’ pwah kya lga, suqun su qmarit na bazi ru qpangan su na qrgup sa lukus. iyat yasa ga katun su’ na kmturu’, mutux maymaw paylhiq qu hi’ na squliq rngu’ nya’ kmat. kruma’ na squliq masuq mtakuy squ kska’ tuqi ini’ nbah tayhuk sa ’tuxan.
kya uzi qu ana ini’ swali pgluw squ hawngu’ ga, ’si balay qihul mha "pglgi sami hawngu’ na utux uzi" mha qu zyaqih na squliq. nanu’ yasa qu ’si nha’ qhli hmawak ru tayhuk squ kska’ na hawngu’ lga sruru nha’ lru wal mhutaw squ zik na hawngu’. ktan lga cyux si naga’ maniq na bibing ru qulis lma.
神靈之橋
泰雅的先輩如果要旅向永生的靈魂世界，每一個人都需要通過一座神靈之橋的。沒有任何一個人都需要通過一座神靈之橋的。沒有任何一個人能夠任意地越過此橋，因為在橋頭的地方有神靈日夜鎮守把關，無人能愈越雷池一步。把關者的任務就是要審斷你，在世上一切的行為與心機。
這一座雄偉的神靈之橋，高而壯觀的幾乎與天之頂端接觸，而且非常亮麗的高掛天空猶加弧型的弓箭一般。神靈之橋的深淵底下有一條怒澎湃的大河穿越其中，那麼大河裡面佈滿了窮兇惡極的鱷魚和巨蟒生存著。
那座神靈之橋的起點，有一棟等待著審斷人們生前邪惡與善良行爲的房屋。審判者的身份是從已經死亡的人擔任，死亡者的靈魂全都是過去在人世間良善正義的人。
凡要旅向永生靈界的人，經過這裡一看便知道他們究是好男人或者是好女人，如果是良善的他們就毫不猶豫地讓他們通過神靈之橋。若有讓審判者覺得懷疑的人，預先在欲通過之手指塗上炭灰然後試看擦掉，凡不會脫落者即是良善的人們。那麽就讓他們沿著神靈之橋，旅向人生的終極——永生的靈界境地。反過來說，凡手指上的炭灰脫落了，即判定他是頑劣的人，會讓他們走在神靈橋之旁邊向著前方前進。然而神靈橋的旁邊，據說充滿棘雜沾有黏性的草生植物，甚至是吸血蟲亦是無法估算的多。
凡是經過那條路線的人，都要忍受荆棘的刮傷及黏草的沾附，更甚者無數吸血蟲的吸取血液將會使你肩修白痛苦不已。有些人在行進路途中撲倒在地而俺俺一息，要想達到永生靈界的境地，是何等的艱難，大多數是不可能如願的。
還有一些人，雖然已經被拒絕通過神靈橋，但是强人所難的說：「讓我也通過這橋吧！」，想像得到這些必定是邪惡不赦的人。審判官半推半就勉為其難答應他們他們的要求，然後牽引著他們走上神靈橋，到了橋的中間時，順手把他們推入橋下，只見鱷魚與巨蟒已經在河中等待多時懲罰他們了